Verkefnin okkar
Borgarlínan er hágæða almenningssamgöngukerfi sem mun aka að mestu í sérrými og hafa forgang á gatnamótum. Þannig styttist ferðatími og tíðni ferða eykst.
Borgarlínan verður byggð upp í sex lotum á árunum 2024–2040 og tengir saman sveitarfélögin á höfuðborgarsvæðinu.
Framkvæmdum lokið
3 af 9
Áætluð verklok allra 9 framkvæmda er 2040.
Heildarfjárfesting
127.936 m.
42% af fjárfestingum Samgöngusáttmálans. Áætlað Q4 2024.
Fyrsta lota Borgarlínunnar liggur frá Hamraborg í Kópavogi, yfir nýja Fossvogsbrú, gegnum miðbæ Reykjavíkur og nýtt Vogahverfi að Krossamýrartorgi á Ártúnshöfða. Leiðin er alls um 14,5 km í sérrými og samhliða er gert ráð fyrir um 18 km af hjóla- og göngustígum.
Í annarri lotu Borgarlínunnar verða lögð sérrými frá Lindum í Kópavogi til Hamraborgar eða um 3 km leið. Þar sem sérrými 2. lotu munu tengjast sérrýmum fyrstu lotu.
Í þriðju lotu Borgarlínunnar verður lagt sérrými frá BSÍ, meðfram Miklubraut að Vogastöð og áfram eftir Reykjanesbraut að Mjódd, um 6,3 km leið.
Fjórða lota Borgarlínunnar mun liggja frá miðbæ Hafnarfjarðar, í gegnum Garðabæ og inn í Kópavog, um Smárann og Hamraborg að Suðurlandsbraut/Laugavegi, samtals um 9,5 km leið sem í framhaldinu mun tengjast við fyrri lotur.
Fimmta lota Borgarlínunnar mun liggja frá Krossmýrartorgi á Ártúnshöfða og ferðast í gegnum Keldur að Spöng í Grafarvogi, samtals um 4,6 km leið.
Sjötta lota Borgarlínu felst í sérrými sem lagt verður frá Háholti í Mosfellsbæ sem síðan fer í gegnum Blikastaðaland og Keldnaholt uns það tengist öðrum lotum Borgarlínunnar á Krossmýrartorgi á Ártúnshöfða.
Hágæða almenningssamgöngur eru nauðsynlegur hluti af fjölbreyttum ferðamáta framtíðarinnar. Þær verða til bóta hvort sem valið er að ganga, hjóla, nota almenningssamgöngur eða einkabíl.
| Borgarlína | 42% |
|---|---|
| Stofnvegir | 42% |
| Göngu- og hjólastígar | 13% |
| Umferðarstýring og öryggi | 3% |
Við uppfærslu Samgöngusáttmálans árið 2024 er miðað við að 42% af fjármagni sáttmálans muni renna til fjárfestinga í innviðum Borgarlínunnar.
Nánar um fjármögnun
Sjáðu einnig
Kynntu þér nánar kosti Borgarlínu á sérvef verkefnisins.
