Borgarlínan
Hágæða BRT almenningssamgangnakerfi sem mun aka að mestu í sérrými og hafa forgang á gatnamótum. Þannig styttist ferðatími og tíðni ferða eykst.
Framkvæmd Borgarlínu er í höndum Betri samgangna og hefur verið skipt í 6 framkvæmdalotur sem verða framkvæmdar 2024-2040.
Íbúðir í göngufjarlægð frá biðstöð
7 af 10
70% íbúða verða 400 m. eða minna frá biðstöð með undir 10. mín. tíðni.
Heildarfjárfesting
127.936 m.
42% af fjárfestingum Samgöngusáttmálans. Áætlað Q4 2024.
Verkefnin
Lota 1: Ártúnshöfði → Hlemmur → Hamraborg
Fyrsta lota Borgarlínunnar liggur frá Hamraborg í Kópavogi, yfir nýja Fossvogsbrú, gegnum miðbæ Reykjavíkur og nýtt Vogahverfi að Krossamýrartorgi á Ártúnshöfða. Leiðin er alls um 14,5 km í sérrými og samhliða er gert ráð fyrir um 18 km af hjóla- og göngustígum. Verkefnið inniheldur einnig byggingu Fossvogsbrúar, þverun Sæbrautar á stokkloki, brýr yfir Elliðaár við Geirsnef og brú til hæðaraðlögunar á Ártúnshöfða. Stórar skiptistöðvar verða við Hamraborg, Landspítala og í Vogabyggð.
Í deiliskipulagsferli48.600 m.kr.
Lota 2: Hamraborg → Lindir
Í annarri lotu Borgarlínunnar verða lögð sérrými frá Lindum í Kópavogi til Hamraborgar eða um 3 km leið. Þar sem sérrými 2. lotu munu tengjast sérrýmum fyrstu lotu.
7.400 m.kr.
Lota 3: Mjódd → BSÍ
Í þriðju lotu Borgarlínunnar verður lagt sérrými frá BSÍ, meðfram Miklubraut að Vogastöð og áfram eftir Reykjanesbraut að Mjódd, um 6,3 km leið.
Frumdrög17.100 m.kr.
Lota 4: Fjörður → Miklabraut
Fjórða lota Borgarlínunnar mun liggja frá miðbæ Hafnarfjarðar, í gegnum Garðabæ og inn í Kópavog, um Smárann og Hamraborg að Suðurlandsbraut/ Laugavegi, samtals um 9,5 km leið sem í framhaldinu mun tengjast við fyrri lotur.
Frumdrög19.800 m.kr.
Lota 5: Ártún → Spöng
Fimmta lota Borgarlínunnar mun liggja frá Krossmýrartorgi á Ártúnshöfða og ferðast í gegnum Keldur að Spöng í Grafarvogi, samtals um 4,6 km leið.
11.700 m.kr.
Lota 6: Ártún → Háholt
Sjötta lota Borgarlínu felst í sérrými sem lagt verður frá Háholti í Mosfellsbæ sem síðan fer í gegnum Blikastaðaland og Keldnaholt uns það tengist öðrum lotum Borgarlínunnar á Krossmýrartorgi á Ártúnshöfða.
Frumdrög16.300 m.kr.
Samfélagslegur ávinningur
Fleiri valkostir fyrir ört vaxandi borg
Hágæða almenningssamgöngur eru nauðsynlegur hluti af fjölbreyttum ferðamáta framtíðarinnar. Þær verða til bóta hvort sem valið er að ganga, hjóla, nota almenningssamgöngur eða einkabíl.
Samhliða uppbyggingu Borgarlínunnar verður ráðist í umfangsmiklar endurbætur á stofnvegakerfinu og innviðir fyrir hjólreiðafólk og gangandi verða stórbættir, eins og kemur fram í Samgöngusáttmálanum. Sú uppbygging mun m.a. stytta ferðatíma hjólreiðafólks verulega og bæta þar að auki við nýjum möguleikum og svæðum til að njóta útivistar.
Nánar á vef Borgarlínu:
| Stofnvegir | 42% |
|---|---|
| Borgarlína | 42% |
| Göngu- og hjólastígar | 13% |
| Umferðarstýring og öryggi | 3% |
Hlutfall fjárfestingar
Við uppfærslu Samgöngusáttmálans árið 2024 er miðað við að 42% af fjármagni sáttmálans muni renna til fjárfestinga í innviðum Borgarlínunnar.
