Fyrirtækið
Um Betri samgöngur
Samgöngusáttmálinn var undirritaður af ríkinu og sveitarfélögunum á höfuðborgarsvæðinu árið 2019 og er Betri samgöngum ætlað að hrinda honum í framkvæmd á næstu 13 árum með 120 milljarða króna fjárfestingu í öllum ferðamátum.
Hluthafar
- Ríkissjóður Íslands
- Reykjavíkurborg
- Kópavogsbær
- Hafnarfjarðarkaupstaður
- Garðabær
- Mosfellsbær
- Seltjarnarnesbær
Ríkið og sveitarfélögin leggja til þrjá milljarða á ári og fyrirtækinu er ætlað að fjármagna það sem eftir stendur. Annars vegar með þróun Keldnalandsins, sem ríkið leggur fyrirtækinu til, og hins vegar með innheimtu flýti- og umferðargjalda, verði ákveðið að leggja þau á.
Hinn 29. júní sl. voru lög nr. 81/2020 um heimild til að stofna opinbert hlutafélag um uppbyggingu samgönguinnviða á höfuðborgarsvæðinu samþykkt. Betri samgöngur ohf. var stofnað 2. október það ár.
Ráðist var í uppfærslu sáttmálans árið 2023 vegna aukins umfangs og mikilla almennra kostnaðarhækkana. Gildistími sáttmálans var lengdur til ársins 2040 til að tryggja raunhæfan tímaramma fyrir undirbúning og fjármögnun.
Nánar um félagið