Staða framkvæmda á stofnhjólaneti höfuðborgarsvæðisinsStaða framkvæmda á stofnhjólaneti höfuðborgarsvæðisins

Í sumar lauk framkvæmdum við nýjan hjólastíg meðfram Fjarðarhrauni, frá gatnamótum við Hafnarfjarðarveg að Flatahrauni. Stígurinn sem er nú kominn í notkun liggur að mestu samsíða Bæjarhrauni og Fjarðarkaupum.

Nýlega lauk gerð aðskildra göngu- og hjólastíga norðan undirganganna við Arnarneshæð og framkvæmdir við samskonar stíga sunnan undirganganna eru nú á lokametrunum.

Einnig eru stígar sem liggja sunnan Hegraness að Sjávargrund langt komnir. Hluti framkvæmdanna felst í nýrri brú fyrir hjólandi vegfarendur yfir Arnarneslæk. Brúin hefur þegar verið sett upp og á næstu vikum verður unnið að lokafrágangi stíga sem tengja hana annars vegar við nýju stígana um Arnarneshæð og hins vegar við stígana að Sjávargrund.

Framkvæmdir við stíga í Ásahverfi í Garðabæ, vestan Hafnarfjarðarvegar, hafa einnig gengið vel og eru nú á lokametrunum.

Í síðustu viku hófust þá tvær nýjar framkvæmdir á stofnhjólaneti höfuðborgarsvæðisins. Önnur framkvæmdin er við Voginn í Kópavogi, vestan Hafnarfjarðarvegar. Gert er ráð fyrir að framkvæmdir muni klárast vorið 2027.
Hin framkvæmdin er við Hamraborg og Hábraut og nær að Ásbraut. Áætlað er að þeim framkvæmdum ljúki í desember 2026. Stefnt er að því að halda áfram uppbyggingu aðskilins stígakerfis um Ásbraut vorið 2027.

Framkvæmdir við Ásahverfi.

Allar helstu upplýsingar um stöðu framkvæmda Samgöngusáttmálans má finna í upplýsingagátt: Verksjá.is