Í haust hefjast fyrstu framkvæmdir vegna Borgarlínunnar þegar byrjað verður á landfyllingu fyrir nýja Fossvogsbrú en gert er ráð fyrir að hún verði tilbúin í lok árs 2024. Undanfarið hafa tímaáætlanir framkvæmda vegna fyrstu lotu Borgarlínunnar verið til endurskoðunar hjá Verkefnastofu Borgarlínunnar. Nokkur veigamikil atriði hafa áhrif þar á.
Því er stundum haldið fram að fjárfesting í almenningssamgöngum sé óþörf því sjálfkeyrandi bílar séu handan við hornið og þeir muni koma í stað almenningssamgangna og leysa úr umferðartöfum. Þeir sömu vilja þó gjarnan fjárfesta enn meira í mannvirkjum fyrir einkabíla, sem hlýtur að fela í sér þversögn. Þegar internetið var að ná fótfestu á tíunda áratugnum spáðu sum því að fljótlega þyrfti ekki að byggja upp samgöngumannvirki eða verslunar- og skrifstofuhúsnæði. Allir yrðu heima hjá sér að vinna og versla. Þrátt fyrir áframhaldandi þróun netsins og nýlegar samkomutakmarkanir, sem hefur gert okkur kleift að gera margt að heiman, er langur vegur frá því að umferðartafir eða eftirspurn eftir atvinnuhúsnæði séu að stórminnka.
Betri samgöngur og Reykjavíkurborg undirrituðu í dag viljayfirlýsingu um samstarf vegna þróunar og uppbyggingar Keldnalands og Keldnaholts og flýtingu uppbyggingar innviða tveggja Borgarlínuleiða.
Aðalfundur Betri samgangna var haldinn á Hilton Reykjavík Noridca hótelinu 28. apríl. Hér má nálgast gögn fundarins.
Aðalfundur Betri samganga ohf. árið 2022, vegna starfsársins 2021, verður haldinn fimmtudaginn 28. apríl 2022, kl. 15:00, á Vox Club á Hilton Reykjavík Nordica hóteli, Suðurlandsbraut 2, 108 Reykjavík.
Það hefur stundum verið sagt að samgöngur og skipulag séu eins og systur. Með undirritun samgöngusáttmála ríkisins og sex sveitarfélaga á höfuðborgarsvæðinu haustið 2019 má því segja að samband systranna hafði orðið nánara og sterkara en áður. Fjárfestingar Betri samgangna ohf. í Borgarlínu, göngu- og hjólastígum og stofnvegum eru ekki bara metnaðarfull samgönguverkefni. Á sama tíma eru þær lykilþáttur í þróun byggðar, umhverfis og lífsgæða á höfuðborgarsvæðinu og munu fjölga valkostum þegar kemur að samgöngum.
Öðru hverju kviknar umræða um það hvort rétt væri að gefa frítt í Strætó í stað þess að fjárfesta í almenningssamgöngum, eins og Borgarlínunni. Það er talsvert mikill munur á kostnaði við að reka einkabíl og að nota almenningssamgöngur. Árskort í Strætó kostar aðeins 80.000 krónur, enn minna fyrir börn, ungmenni, aldrað fólk og öryrkja. Félag íslenskra bifreiðaeigenda áætlar rekstarkostnað bíla miðað við mismunandi verðflokka og mismikinn akstur. Rekstrarkostnaður ódýrasta verðflokksins með minnsta akstrinum var áætlaður 1.219.292 krónur árið 2021. Það er rúmlega 15 sinnum meira en árskortið kostar.
Betri samgöngur og Háskólinn í Reykjavík hafa gengið frá viljayfirlýsingu um að eiga samstarf um doktorsverkefni. Doktorsverkefnið er á sviði rekstarverkfræði með áherslu á verkefnastjórnsýslu og gagnasafnsfræði. Tilgangurinn er að þróa aðferð sem tryggir betri ákvörðunartöku, meiri áhættuvitund og aukna skilvirkni vegna fjárfestinga í stórum og umfangsmiklum verkefnum sem kalla á hagkvæmniathuganir.
Fyrstu framkvæmdir vegna Borgarlínunnar gætu hafist á þessu ári. Þetta er meðal þess sem kom fram í viðtali við Davíð Þorláksson, framkvæmdastjóra Betri samgangna, í sjónvarpsfréttum RÚV í gærkvöldi. Framkvæmdirnar verða í tengslum við Fossvogsbrúnna. Stefnt er að því að hún verði tilbúin í árslok 2024 og muni þá strax nýtast gangandi og hjólandi umferð og Strætó.
Úrslit hönnunarsamkeppni um Fossvogsbrú voru kynnt í morgun. Fossvogsbrú mun tengja Kársnes í Kópavogi og Vatnsmýri í Reykjavík og þjóna Borgarlínunni og gangandi og hjólandi umferð. Kostnaðaráætlun frumdraga fyrstu lotu Borgarlínunnar gerði ráð fyrir að kostnaður við brúnna með landfyllingu yrði 2.625 milljónir króna. Fyrsta lota Borgarlínunnar mun hefja akstur um brúnna um mitt ár 2025. Árið 2034 er gert ráð fyrir að um 11.700 manns muni fara yfir brúnna daglega bara með Borgarlínunni.
Davíð Þorláksson, framkvæmdastjóri Betri samgangna, var í viðtali í morgunútvarpi Rásar 2 í morgun þar sem hann fór yfir stöðuna á undirbúningi Borgarlínunnar og með hvaða hætti samráði við íbúa höfuðborgarsvæðisins verður háttað.
Þorsteinn R. Hermannsson, forstöðumaður samgangna hjá Betri samgöngum var í viðtali við hlaðvarpið Leitina að peningunum sem Umboðsmaður skuldara heldur úti. Þar kemur m.a. fram að samgöngur séu þriðji stærsti útgjaldaliður heimilanna á eftir húsnæði og matvælum. Áætlað er að meðalkostnaður við rekstur bíls sé um 120 þúsund krónur á mánuði. Það sé því til mikils að vinna ef hægt er t.d. að fækka bílum á heimili, hjóla, ganga eða nota almenningssamgöngur oftar.
Árni M. Mathiesen, stjórnarformaður Betri samgangna, var í viðtali hjá Kristjáni Kristjánssyni á Sprengisandi á Bylgjunni í dag. Þar segði hann frá Samgöngusáttmálanum og þeim framkvæmdum sem hann gerir ráð fyrir á næstu árum. Sérstaklega var rætt um tengingu Arnarnesvegar og Breiðholtsbrautar og aðrar stofnvegaframkvæmdir í tilefni af kynningarfundi um þær í síðustu viku.
Betri samgöngur ohf. og Vegagerðin héldu kynningarfund 6. júlí þar sem farið var yfir þær stofnvegaframkvæmdir sem fyrirhugaðar eru á höfuðborgarsvæðinu á næstu árum. Upptöku af fundinum er að finna hér að neðan.
Davíð Þorláksson, framkvæmdastjóri Betri samgangna, var í viðtali við Birtu Karen Tryggvadóttur í hlaðvarpinu Gjallarhornið í dag. Þau ræddu m.a. um Samgöngusáttmálann og Borgarlínuna og mikilvægi valfrelsis í samgöngumálið.
Aðalfundur Betri samganga ohf. árið 2021, vegna starfsársins 2020, verður haldinn fimmtudaginn 1. júlí 2021, kl. 15:00, á heimili félagsins að Grandagarði 16, 101 Reykjavík.
